Ўзбекистон Республикаси Ҳуқуқни муҳофаза қилиш  академиясида иккинчи ва ундан кейинги олий таълимга қабул 2024 йил 10 июлдан 10 августга қадар давом этади

Академияда 2024/2025 ўқув йилидан эътиборан иккинчи ва ундан кейинги олий таълимнинг бакалавриат "60420100 - Юриспруденция (прокурорлик фаолияти)" йўналишини сиртқи таълим шакли жорий этилди.

Иккинчи ва ундан кейинги олий таълимга ўқишга кириш учун абитуриентлар 10 августга қадар (шу куни ҳам) my.edu.uz ҳаволаси орқали рўйхатдан ўтишлари лозим.

Абитуриентлар рўйхатдан ўтишда махсус электрон тизимга ўзининг шахсий маълумотларини киритади ва қуйидаги ҳужжатларни юклайди:

олий маълумот тўғрисидаги ҳужжатнинг нусхаси (ёки дипломдан кўчирма — Ўзбекистон Республикаси олий таълим муассасаларини давлат гранти асосида ўқиб тугатганлар учун);

олий маълумот тўғрисидаги ҳужжатнинг илова нусхаси.

Бунда, хорижий давлатлар таълим муассасаларининг 1992 йил 1 январдан кейин берилган дипломлари белгиланган тартибда нострификациядан ўтказилган бўлиши лозим.

Кириш имтиҳонлари тест синовлари шаклида “Ҳуқуқшунослик фани” бўйича Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги томонидан ўтказилади.

Шунингдек, тест синовларида иштирок этиш учун барча талабгорлардан базавий ҳисоблаш миқдорининг ярим баравари миқдорида (170 000 сўм) тўлов ундирилади.

Иккинчи ва ундан кейинги олий таълим бакалавриатнинг “60420100 – Юриспруденция (прокурорлик фаолияти)” йўналишини сиртқи таълим шаклига ўқишга қабул қилиш тўлов-контракт асосида амалга оширилади.