Ўзбекистон Республикаси Ҳуқуқни муҳофаза қилиш академияси олий таълим муассасаларининг халқаро рейтинглар билан ишлаш соҳасида мутахассис вазифасига танлов эълон қилади! (шартнома асосида вақтинчалик иш)

Ҳозирги вақтда Академия фаолиятига вақтинчалик асосда олий таълим муассасаларининг халқаро рейтинглар билан ишлаш бўйича мутахассисни жалб қилиш зарурати мавжуд. Мутахассис томонидан тақдим этилган ҳужжатлар маъқулланган тақдирда, у билан Академия ўртасида икки томонлама фуқаролик ҳуқуқий шартнома имзоланади.

Мутахассиснинг вазифалари:

Академия раҳбариятининг топшириғи бўйича академияда лойиҳалар билан ишлаш бўйича шартномага илова қилинган бажариладиган ишлар календарь-режасига мувофиқ, қуйидаги хизматларни (кейинги ўринларда – “хизматлар”) кўрсатиш;

– Академиянинг халқаро рейтингларга кириш бўйича белгиланган вазифа ва топшириқлар ижросини таъминлаш;

– Академиянинг халқаро рейтингларга кириш бўйича тегишли таклифларни ишлаб чиқиш;

– Халқаро эътироф этилган рейтинг ташкилотлари (Times Нigher Education (THE), Quacquarelli Symonds World University Rankings (QS), GreenMetric, Вебометрикс, Academic Ranking of World Universities ва бошқалар) олий таълим муассасаларининг халқаро рейтинги методологияси мезонларини ўрганиш ва уларга киритиладиган ўзгартиришларни кузатиб бориш;

– Халқаро рейтинглар  (QS, Вебометрикс) платформаларида Академиянинг рўйхатдан ўтишини таъминлаш бўйича тегишли тартиб-таомилларни амалга ошириш;

– Халқаро рейтинглар платформаларида Академияга оид киритилиши лозим бўлган маълумотлар рўйхати ва доирасини аниқлаш, Академия тармоқларидан сўралган маълумотларни шакллантириш, олинган маълумотларни умумлаштириб, платформага киритиш;

– Академиянинг халқаро рейтингларга кириш бўйича чора-тадбирлар дастурида белгиланган вазифалар ижросини таъминлаш, белгиланган кўрсаткичларга эришилишини мониторинг ва назорат қилиб бориш

– Халқаро рейтинглар талабларига мувофиқ Академиянинг Барқарор ривожланиш ва бошқа турли йўналишлар бўйича сиёсати (мақсадлари, стратегияси)га оид ҳужжатларни ишлаб чиқиш, уларга ўзгартириш ва қўшимчалар киритиш;

– Академия фаолиятининг барча йўналишларини, шу жумладан статистик ва молиявий кўрсаткичлар, Академиянинг бошқарув фаолиятига оид ҳужжатлар ва маълумотлар, Барқарор ривожланиш мақсадларига оид сиёсат ва (йиллик) ҳисоботларни халқаро стандартларга мувофиқ тайёрлаш ва Академия сайтида чоп этиб бориш

– Барқарор ривожланиш мақсадлари бўйича тадбирларни ташкил этиш ва амалга ошириш;

– Академия тармоқлари билан биргаликда халқаро рейтинглар талабларидан келиб чиқиб маълумот ва ҳисоботларни Академия сайтини ёритиб бориш, Академия сайтини такомиллаштириш бўйича таклифлар киритиш;

– Академиянинг фаолиятига оид кўрсаткичлар ва маълумотларни умумлаштириш, умумлаштирилган ахборотни таҳлил қилиш, натижаси юзасидан тегишли кўрсаткичларни яхшилаш чораларини кўриш ва таклифлар киритиш,

– Академия ходимлари учун халқаро рейтингларга кириш бўйича тадбир ва ўқув семинарлар ташкил этиш.

Номзодга қўйиладиган талаблар:

Олий таълим муассасаларининг халқаро рейтинглар соҳасида камида икки йиллик иш тажрибаси;

Мазкур йўналишда тегишли ҳужжат (сертификат);

Ўзбек, инглиз, рус тилларини яхши билиш.

Бажариладиган иш муддати:

Мазкур иш муддати 3 (уч) ойга белгиланган бўлиб, келгусида заруратга кўра, шартнома муддати узайтирилиши ёхуд фуқаро меҳнат шартномаси асосида Академияга ишга қабул қилиниши мумкин.

Тўлов миқдори:

Бажарилган иш учун тўлов миқдори тарафлар келишуви билан белгиланади ва талабгорга бажарилган иш натижасига кўра тўланади.

Талаблар: ташаббускорлик, жамоа билан ҳамнафас ишлаш, берилган топшириқларни ўз вақтида бажариш,

Иш вақти: Иш вақти 40 соатлик, ҳафтасига 5 кунлик иш режимини ташкил этади.

Талабгор Академия Кадрлар бўлимига фуқаролик паспорти ёки ID картаси билан шахсан мурожаат қилиб, тегишли ҳужжатлар (шахсини тасдиқловчи ҳужжат, объективка, олий таълим олганлик ҳақида диплом ва унинг иловаси, меҳнат дафтарчаси нусхаси, СТИР маълумотномасини тақдим этиши лозим. Тақдим этилган ҳужжатлар ўрганиб чиқилганидан сўнг заруратга кўра талабгор билан комиссия таркибида суҳбат ўтказилади.

Ҳужжатларни топшириш муддати 25.07.2024 йилга қадар.

Маълумот учун телефон: +99871-202-04-96 (ички рақам 1918).