Академия жамоаси Плоггинг марафонида иштирок этди

Жорий йилнинг 20 июль куни, "Tashkent Ploggers" жамоасининг бир йиллиги муносабати билан ташкил этилган экомарафонда Академия жамоаси фаол иштирок этди. Мазкур экомарафон 4,2 км масофани ўз ичига олиб, Юнусобод ва Шайхонтоҳур туманлари орқали ўтди. Марафон давомида иштирокчилар Анҳор канали бўйлаб чиқиндиларни йиғдилар ва шу орқали шаҳримиз тозалигига ҳисса қўшдилар.

Тадбирда 10 га яқин жамоалар қатнашиб, Академия жамоаси ўзининг фаолияти ва жамоавий ҳамкорлиги орқали ғолибликни қўлга киритди. Бу натижа жамоанинг экологик тадбирлардаги фаолияти ва масъулиятини яна бир бор намоён қилди.

Марафондан сўнг Академия бошлиғи ўринбосари У.Нигмаджанов "Radio tube Tashkent" подкастида иштирок этди. Ушбу подкастда у Академияда экология ва она табиатга қилинаётган эътибор ҳамда плоггинг бўйича 2024 йил давомида амалга оширилган ишлар ва келгуси режалар ҳақида ўртоқлашди. У.Нигмаджанов, Академия жамоасининг экологик тадбирларда фаол иштирок этиши, уларнинг келажакда ҳам шундай тадбирларда қатнашиши ва табиатни муҳофаза қилишга қаратилган лойиҳаларни давом эттиришлари ҳақида таъкидлаб ўтди.

Академия жамоасининг бугунги экомарафондаги иштироки нафақат жамоанинг экологик тадбирлардаги фаолиятини намоён қилди, балки уларнинг жамоавий ҳамкорлиги ва табиатга бўлган эътиборини яна бир бор исботлади. Бу каби тадбирлар келажак авлодларга соғлом ва тоза муҳит қолдириш учун муҳим аҳамиятга эга.

 Ўз навбатида, Академия жамоаси келгусида ҳам шундай тадбирларда фаол иштирок этишга ва табиатни муҳофаза қилишга қаратилган лойиҳаларни амалга оширишни давом этади.