Ўзбекистон Республикаси Бош прокуратураси делегациясининг Қозоғистон Республикасига ташрифи

Жорий йилнинг 23-26 июль  кунлари Ўзбекистон Республикаси Бош   прокуратураси делегацияси Қозоғистон Республикасига хизмат сафарида бўлди.

Делегация “Судга қадар терговни ташкил қилишнинг айрим масалалари” мавзусига бағишланган давра суҳбатида иштирок этди.

Тадбирда Қозоғистон Республикаси Бош прокуратураси, Олий суд, Молиявий мониторинг агентлиги, Молия вазирлиги ҳузуридаги Давлат даромадлари кўмитаси ва бошқа ташкилотлар иштирок этди.

Тадбирда Ўзбекистон делегациясининг вакили Б.Бахромбеков “Солиқлар ёки йиғимларни тўлашдан бўйин товлаш билан боғлиқ ишлар бўйича терговнинг ўзига хос жиҳатлари: Ўзбекистон тажрибаси” мавзусида маъруза қилди.

Шунингдек, Ўзбекистон делегацияси Қозоғистон Республикаси Бош прокуратураси ҳузуридаги Ҳуқуқни муҳофаза қилувчи органлар академияси, Қозоғистон Республикаси Президенти маркази, Қозоғистон Миллий музейи, Нур-Алем сфераси ҳамда Нур-Султон шаҳридаги марказий масжидга ташриф буюрди.

Мазкур ташриф делегация вакилларининг қонунчилик соҳасида тажриба алмашиш, маданий ҳамда илмий билимларини бойитишга хизмат қилди.