Академия талабалари ўртасида “Ёшларнинг коррупцияга қарши ташаббуслари бўйича энг яхши тақдимот” танлови

Ўзбекистон Республикаси Ҳуқуқни муҳофаза қилиш академияси бакалавриати талабалари ўртасида “Ёшларнинг коррупцияга қарши ташаббуслари бўйича энг яхши тақдимот” танловида иштирок этиш учун аризаларни қабул қилиш давом этмоқда.

Танлов мақсади – коррупцияга қарши курашиш соҳасида ёшлар ўртасида ижодий фикрлаш ва ташаббусларни рағбатлантириш ва қўллаб-қувватлашдан иборат.

Танлов талабларга коррупция муаммоларини чуқур тадқиқ қилиш, инновацион ғояларни ва ушбу иллатга қарши курашиш таклифларини ишлаб чиқиш, шунингдек лойиҳаларни бошқариш соҳасида ўз билим ва маҳоратини намойиш қилиш имкониятини беради.

Танлов ижодий фикрлаш, гуруҳда самарали ишлашни ривожлантиришга, билим, маҳорат ва тажриба билан алмашиш учун платформа яратишга қаратилган.

Танлов Академия талабалари учун очиқ. Танловда талабалар ўз алоҳида ёки гуруҳга бирлашиб иштирок этиши мумкин.

Иштирок этишнинг асосий шартларидан бири лойиҳа талабномасининг саводли шакллантирилганлиги, таҳлилий асослантира олиш қобилияти, муаммони ҳал қилишда манфаатдорлик ва мотивация бўлиши.

Лойиҳа мавзулари ўзида қуйидаги жиҳатларни қамраб олиши керак:

• Коррупциявий ҳолатларнинг эҳтимоллигини жамиятда камайтириш учун одоб-ахлоқ қоидалари ва қадриятларини олдинга суриш.
• Коррупциянинг олдини олиш учун замонавий ахборот технологиялари ва инновацион ёндашувлардан фойдаланиш.
• Коррупция оқибатлари ва унга коррупцияга қарши курашиш бўйича таълим ва тарғибот.
• Коррупцияга қарши курашиш соҳасида ҳуқуқий асосларни ва механизмларни такомиллаштириш бўйича таклифларни ишлаб чиқиш.

Танловда иштирок этишга хоҳиш билдирган Академия талабалари лойиҳа талабномасини 2024 йил 20 августга қадар ўрнатилган талаблар асосида тақдим этиши шарт.

Фақат мазкур муддат тамомлангунига қадар тақдим этилган талабномалар кўриб чиқилади.

Қўшимча маълумот учун anticorcompetition@proacademy.uz манзилига мурожат қилинг.