Академияда янги илмий мақолалар тўплами нашрдан чиқди

Ўзбекистон Республикаси Ҳуқуқни муҳофаза қилиш академияси томонидан “Янги ҳаёт учун, янги Ўзбекистон учун!” мавзусидаги республика илмий-амалий конференция материаллари тўплами нашр этилди.

Тўпламда юридик фанда амалга оширилаётган ислоҳотлар, қонунчилик соҳасидаги янгиликлар, ўзгаришлар ва инновацион жараёнларнинг ўзаро боғлиқлиги бўйича илмий-амалий тажриба, фикр алмашинувларини ўз ичига олади.

Шунингдек, жамоатчиликка илмий салоҳиятга эга, креатив ёндашувга эга бўлган юридик фанлар соҳасидаги илгари сурилган замонавий ғоя ва таклифлар ёритиб берилган.

Тўплам фан ва таълим соҳасини бошқаришга ваколатли давлат органлари, юридик фан ва ҳуқуқни қўллаш амалиёти билан боғлиқ мутасадди ташкилотлар ходимлари, ҳуқуқшунослик йўналишидаги олий ўқув юртлари профессор-ўқитувчилари, докторантлар, мустақил изланувчилар, магистрлар ҳамда ушбу масалаларга қизиқувчи мутахассислар ва кенг жамоатчилик учун мўлжалланган.