Профессор-ўқитувчиларининг касбий маҳоратини ошириш бўйича навбатдаги тадбир

Академияда ўқитишнинг замонавий шакллари, педагогик ва ахборот технологиялари асосида назарий тайёргарликнинг ҳуқуқни қўллаш амалиёти билан узвий боғлиқлигини таъминлаш, профессор-ўқитувчиларда билим ва кўникмаларни оширишга қаратилган ишлар тизимли равишда амалга ошириб борилади.

Мазкур фаолият доирасида, шунингдек тажриба алмашиш мақсадида Прокурорлик фаолияти ва прокурор назорати кафедраси томонидан “Прокуратура органларининг халқаро ва идоралараро ҳамкорлиги” мавзусида маҳорат дарси ташкил этилди.

Тадбир доирасида асосий эътибор прокуратура органларининг бугунги кундаги халқаро ва идоралараро ҳамкорлигининг долзарб масалалари, жумладан экстрадиция ва ўзаро ҳуқуқий ёрдам кўрсатиш борасидаги қонунчилик мазмуни ҳамда уни қўллаш билан боғлиқ муҳим масалаларга қаратилди.

Интерфаол тарзда қизғин ўтказилган очиқ дарс машғулоти мобайнида иштирокчилар томонидан ўзларини қизиқтирган саволларга батафсил  жавоблар олинди.