Академияда анъанавий Фан соати бўлиб ўтди

Жорий йилнинг 30 август куни мустақил изланувчилар, докторантлар ва тадқиқотчилар учун “Фан соати” доирасида Академия таянч докторанти М.Хасановнинг “Меҳнат органларида коррупцияга оид ҳуқуқбузарликларни аниқлаш ва бартараф этиш масалалари” мавзусидаги диссертация иши тақдимоти бўлиб ўтди.

Унда Бош прокурор ўринбосари, Ҳуқуқни муҳофаза қилиш академияси бошлиғи в.в.б., 3-даражали Давлат адлия маслаҳатчиси С.И.Самадов, Академия бошлиғининг биринчи ўринбосари Е.В.Коленко ўринбосари М.М.Мамасиддиқов, Инсон ҳуқуқлари бўйича Ўзбекистон Республикаси Миллий маркази, Ўзбекистон Республикаси Фанлар Академияси ҳузуридаги Давлат ва ҳуқуқ институти вакиллари ва бошқа илмий жамоатчилик вакиллари иштирок этди.

Тадбирда Академия таянч докторанти М.Хасанов томонидан меҳнат органларида коррупцияга қарши курашишнинг замонавий тенденциялари, унда ахборот технологиялари имкониятларидан фойдаланиш, меҳнат қонунчилигида коррупциявий омилларни бартараф этиш ва унга қарши курашиш юзасидан таклиф ва тавсиялари тақдимот қилинди.

Тақдимот якунида мустақил изланувчилар, докторантлар ва тадқиқотчилар ўзлари томонидан қизиқтирган саволларга жавоблар олишди ҳамда тадбир меҳмонлари томонидан тадқиқотчиларга илмий фаолиятни сифатли ва ўз вақтида амалга ошириш юзасидан таклиф ва тавсиялар берилди.