МДҲга аъзо давлатлар Бош прокурорлари мувофиқлаштирувчи кенгаши ижрочи котибининг Академияга ташрифи

МДҲ аъзо давлатлари Бош прокурорлари мувофиқлаштирувчи кенгаши ижрочи котиби В.П.Зиминнинг Ўзбекистонда бўлиши давомида Ўзбекистон Республикаси Ҳуқуқни муҳофаза қилиш академиясига ташрифи амалга оширилди.

Ташриф давомида В.П.Зимин Академия фаолияти, прокуратура ва тергов органлари ходимларини ўқитиш жараёни, таълимда қўлланилаётган янги педагогик усуллар ва замонавий технологиялар, ўқув инфраструктураси, профессор-ўқитувчилар ва тингловчиларга яратилган шароитлар билан яқиндан таништирилди.

Конструктив руҳда ўтказилган тадбирда томонлар келгусида ўзаро манфаатли йўналишлар бўйича ҳамкорликни янада кучайтиришга келишиб олишди.