Рига ҳуқуқ мактаби ва GIZ билан лойиҳалар ва ҳамкорлик истиқболлари муҳокамаси

Академияда Рига ҳуқуқ мактаби (Латвия) ҳамда Германия халқаро ҳамкорлик жамияти (GIZ) вакиллари билан учрашув бўлиб ўтди.

Тадбирда ҳамкорликда амалга оширилиши режалаштирилаётган истиқболли лойиҳалар ва режалар, шу жумладан, самарали бошқарув ва қонун устуворлигини таъминлаш соҳасида барқарор ривожланиш бўйича белгиланган миллий мақсад ва вазифаларга эришиш билан боғлиқ масалалар муҳокама қилинди.

Шунингдек, ташриф давомида хорижий мехмонлар Академиянинг янги ўқув биноси ва инфратузилмаси билан яқиндан танишиб чиқдилар.