Ўзбекистон Республикаси Ҳуқуқни муҳофаза қилиш академияси маркетинг соҳасида мутахассис вазифасига танлов эълон қилади (муддатли шартнома асосида вақтинчалик иш)

Академия ҳақида: Ўзбекистон Республикаси Президентининг “Жиноятларни тергов қилиш соҳасида малакали кадрларни тайёрлашнинг сифат жиҳатидан янги тизимини жорий этиш тўғрисида”ги 2022 йил 28 ноябрдаги ПФ–257-сонли Фармонига асосан Бош прокуратура Академияси негизида Ўзбекистон Республикаси Ҳуқуқни муҳофаза қилиш академиясини ташкил этилди.

Ҳозирги вақтда Академия фаолиятига вақтинчалик асосда маркетинг соҳасидаги бош мутахассисни жалб қилиш зарурати мавжуд. Бош мутахассис томонидан тақдим этилган ҳужжатлар маъқулланган тақдирда, у билан Академия ўртасида икки томонлама фуқаролик ҳуқуқий шартнома имзоланади.

Мутахассиснинг вазифалари:

Академия раҳбариятининг топшириғи бўйича академияда маркетинг сохасида хизмат кўрсатиш ҳақидаги келишувга илова қилинган бажариладиган ишлар календарь-режасига мувофиқ, қуйидаги хизматларни (кейинги ўринларда – “хизматлар”) кўрсатиш:

 - Академияни стратегик ривожлантириш, молиявий мустақиллигини таъминлаш юзасидан таклифларни ишлаб чикиш.

- Ўзбекистонда фаолият юритаётган барча олий таълим муассаларида белгиланган контрактларни микдорини ўрганиб чиқиб Академия раҳбариятига йиллик контрактларни белгилаш юзасидан таклифлар киритиш;

- Академияни бюджетдан ташқари тушумларни ошириш учун лойиҳа ва таклифларни ишлаб чиқиш раҳбариятга киритиш, ижросини назорат қилиш;

- Академия ноширлик фаолияти йўлга қўйиш учун молиялаштириш назорат килиш;

- Академияни олий таълим соҳасида рақобатбардошлигини ошириш юзасидан раҳбариятга таклифларни киритиш;

- Халкаро ва миллий тажрибани ўрганиб чиқиб Академия негизида турли курсларни ташкиллаштириш юзасидан таклиф ва лойиҳаларни ишлаб чиқиш;

Номзодга қўйиладиган талаблар:

- олий, тугалланмаган олий маълумот ва бюджет ташкилотлари молия, иш тажрибаси;

- маркетинг соҳаси ҳужжатларни ишлаб чиқиш ҳамда расмийлаштиришга оид низомлар, йўриқномалар ва бошқа раҳбарий ҳужжатларни билиш;

- ўзбек ва рус, инглиз (устунлик берилади) тилларини яхши билиш.

Бажариладиган иш муддати:

Мазкур иш муддати 6 (олти) ойга белгиланган бўлиб, келгусида заруратга кўра, фуқаро муддатли меҳнат шартномаси асосида Академияга ишга қабул қилиниши мумкин.

Тўлов миқдори:

Бажарилган иш учун тўлов миқдори тарафлар келишуви билан белгиланади ва талабгорга бажарилган иш натижасига кўра тўланади, тўлов миқдори танлов натижаларига кўра уч миллиондан ўн икки миллион сўмгача.

Талаблар: ташаббускорлик, жамоа билан ҳамнафас ишлаш, берилган топшириқларни ўз вақтида сифатли бажариш.

Иш вақти: Иш вақти 40 соатлик, ҳафтасига 5 кунлик иш режимини ташкил этади.

Талабгор Академия Кадрлар бўлимига фуқаролик паспорти ёки ID картаси билан шахсан мурожаат қилиб, тегишли ҳужжатлар (шахсини тасдиқловчи ҳужжат, объективка, олий таълим олганлик ҳақида диплом ва унинг иловаси, меҳнат дафтарчаси нусхаси, СТИР маълумотномасини тақдим этиши лозим. Тақдим этилган ҳужжатлар ўрганиб чиқилганидан сўнг заруратга кўра талабгор билан комиссия таркибида суҳбат ўтказилади.

Ҳужжатларни топшириш муддати 16.09.2024 й. (шу куни ҳам).

Манзил: Юнусобод тумани, Рихсили, 9.

Тел.: 71-202-04-96 (ички: 1440: 1443).