Коррупцияга қарши курашиш бўйича навбатдаги семинар ўтказилди

Ўзбекистон Республикасининг "Манфаатлар тўқнашуви тўғрисида"ги Қонуни қабул қилиниши муносабати билан Ўзбекистон техник жиҳатдан тартибга солиш агентлигида “Хизмат кўрсатиш соҳасида коррупция ва манфаатлар тўқнашувини олдини олиш” мавзусида семинар ташкил этилди.

Аралаш шаклда ўтказилган семинарда Агентлик ва унинг тизим ташкилотларидан жами 745 нафар ходимлар қатнашди.

Тадбир Ҳуқуқни муҳофаза қилиш академияси Коррупцияга қарши курашиш илмий-таълим маркази бошлиғи Х.Турсунбеков томонидан олиб борилиб, манфаатлар тўқнашуви ҳолатларини бартараф қилиш бўйича чоралар, коррупциявий ҳуқуқбузарликлар ва уларни содир этганлик учун назарда тутилган жавобгарлик юзасидан маъруза қилиб, иштирокчиларнинг қизиқтирган саволларига атрофлича жавоб берилди.