Қозоғистон Ҳуқуқни муҳофаза қилувчи органлар Академияси вакиллари билан учрашув

Академияда Қозоғистон Республикаси Бош прокуратураси ҳузуридаги Ҳуқуқни муҳофаза қилувчи органлар Академияси проректори – Идоралараро илмий-тадқиқот институти директори Г.Шушикова бошчилигидаги делегация вакиллари билан учрашув бўлиб ўтди.

Мазкур учрашув иккала Академия ўртасидаги ҳамкорлик доирасида Қозоғистон прокуратураси ходимлари иштирокида ўтказилаётган “Экстремизм ва терроризмга қарши курашиш соҳасида Ўзбекистон Республикаси ҳуқуқни муҳофаза қилувчи органлар ва бошқа тегишли идораларнинг фаолияти” мавзусидаги ўқув курси доирасида ташкил этилди.

Тадбирда томонлар келгусида ўзаро манфаатли йўналишлар бўйича ҳамкорликни янада кучайтиришга, қўшма лойиҳа ва тадбирларни амалга оширишга келишиб олишди.

Шунингдек, ташриф давомида хорижий мехмонлар Академия фаолияти, прокуратура ва тергов органлари ходимларини ўқитиш жараёни, таълимда қўлланилаётган янги педагогик усуллар ва замонавий технологиялар, Академиянинг янги ўқув биноси ва инфратузилмаси билан яқиндан танишиб чиқдилар.