Манфаатлар тўқнашувини олдини олиш соҳасида масофавий малака ошириш курслари ўтказилмоқда

Ўзбекистон Республикасининг “Манфаатлар тўқнашуви тўғрисида”ги Қонуни ижросини самарали ташкил этиш мақсадида Академия томонидан давлат органлари ва ташкилотларининг ходимлари учун график асосида масофавий ўқув курслари олиб борилмоқда.

Жумладан, Академиянинг edu.proacademy.uz электрон ўқув платформаси орқали 120 дан ортиқ давлат органлари ва ташкилотларининг ходимлари “Манфаатлар тўқнашуви ҳолатларини аниқлаш, уларни бартараф этиш ҳамда олдини олиш” мавзусидаги қисқа муддатли масофавий ўқув курсида малака ошириши режалаштирилган.

Ҳозирда Марказий банк ҳамда унинг ҳудудий бошқармаларининг 2000 нафардан ортиқ ходимлари учун ташкил этилган масофавий курс ўз якунига етди. Марказий банкнинг 97 фоиз ходимлари курсни муваффақиятли тамомлаб, уларга белгиланган намунадаги сертификатлар топширилди.