Бинар машғулотлари ўтказилди

Академия талабаларини ватанпарварлик руҳида тарбиялаш, Ватанга бўлган муҳаббат туйғусини ва дахлдорлик ҳиссини шакллантириш, буюк аждодларимизни бой меросини тарғиб қилиш орқали уларни касбий тайёргарлиги бўйича билим ва кўникмаларини мустаҳкамлаш ҳамда келгуси хизмат фаолиятига тайёрлаш мақсадида Ҳарбий ва жисмоний тайёргарлик модули доирасида бинар машғулотлар ўтказилди.

Бакалавриатнинг 1-босқич талабалари билан ташкиллаштирилган машғулотларда Қуролли Кучлар ва Ички ишлар вазирлиги академияларидан Темуршунос олимлар, офицер профессор-ўқитувчилар подполковниклар З.Х.Музаффаров ва Ф.А.Болтаев ҳамда Миллий гвардиянинг Бош бошқарма бошлиғи, ҳарбий фанлар доктори, профессор, полковник Х.В.Дадабоев иштирок этдилар.

Машғулотлар мобайнида мамлакатимизни бой тарихида чуқур из қолдирган аниқ фактлар асосида Темурийлар даврида мудофаа ва хавфсизлик соҳаларида олиб борилган сиёсат, ҳарбий санъатнинг ривожланиши, бошқариш ва жанг олиб бориш усул ва услубиётлари каби саволлар бугунги кунда олиб борилаётган уларнинг замонавий кўринишлари билан уйғунликда ҳар томонлама кўриб чиқилди.

Талабалар ўзларининг қизиқтирган барча саволларига мутахассислардан етарли даражада жавоблар олдилар.

Бу каби тадбирлар куч тузулмалари ва ҳуқуқни муҳофаза қилувчи органларининг бўлажак ходим ва ҳарбий хизматчиларда касбий фаолиятидан фахрланиш, уларда масъулият ва садоқат туйғуларини шакллантиришга хизмат қилади. Талабаларимиз келгусида шарафли ва муқаддас касб соҳибалари бўлишларида муҳим ўрин тутади.