Қонун устуворлигини таъминлашнинг долзарб масалаларига бағишланган илмий-амалий анжуман ташкил этилди

Ҳуқуқни муҳофаза қилиш Академиясида ёшолим ва изланувчилар иштирокида “Қонун – устувор, жазо – муқаррар!” мавзусида илмий-амалий анжуман ташкил этилди.

Анжуман мамлакатда қонун устуворлиги ҳамда жиноят учун жавобгарлик муқаррарлигини таъминлашга доир қонунчилик ва амалиёт таҳлили асосида жиноятчиликка қарши курашиш борасида  янгича илмий ёндашувларни шакллантиришга йўналтирилди.

Тадбирда Академия профессор-ўқитувчилари, докторантлари ва магистрлари, Коррупцияга қарши курашиш агентлиги вакиллари иштирок этдилар.

Кун тартибидаги долзарб масалалар бўйича Коррупцияга қарши курашиш агентлиги бошқарма бошлиғи ўринбосари А.А.Комилов, академия кафедра бошлиғи А.Б.Комилов ва катта ўқитувчиси Г.М.Таирова, Академия докторанти У.Абдуолимов, Академия магистратураси тингловчилари И.Йўлдошев, Ф.Тошпўлатова ва С.Ибодуллаев ўз маърузалари билан иштирок этдилар.

Тадбир якунида иштирокчилар ҳуқуқни қўллаш амалиётида мавжуд муаммолар юзасидан фикр алмашиб, уларнинг ечимига доир таклифларни илгари суришди.