Туркия Республикасининг Тошкентдаги элчихонаси маслаҳатчиси билан учрашув

Ўзбекистон Республикаси Ҳуқуқни муҳофаза қилиш академиясида Туркия Республикасининг Тошкентдаги элчихонаси маслаҳатчиси генерал-лейтенант Семих Окяр билан ишчи учрашув бўлиб ўтди.

Ташриф давомида меҳмон Академия фаолияти, прокуратура ва тергов органлари ходимларини ўқитиш жараёни, таълимда қўлланилаётган янги педагогик усуллар ва замонавий технологиялар, ўқув инфраструктураси, профессор-ўқитувчилар ва тингловчиларга яратилган шароитлар билан яқиндан танишиб чиқди.

Учрашувда томонлар келгусида ўзаро манфаатли йўналишлар бўйича ҳамкорликни янада кучайтиришга, қўшма лойиҳа ва тадбирларни амалга оширишга келишиб олишди.