Маънавий-маърифий тадбир бўлиб ўтди

Ўзбекистон Республикаси Ҳуқуқни муҳофаза қилиш академиясида тизимли ташкил этилган маънавий-маърифий ишлар доирасида “Аждодлар қаҳрамонлиги – ёшларга ибрат” мавзусида тадбир ташкил этилди.

Мазкур тадбир ҳуқуқни муҳофаза қилиш соҳасида етук малакали мутахассисларни тайёрлашда муҳим аҳамият касб этиб, тадбир давомида Буюк аждодларимизнинг ҳаёти, сиёсий ва ижтимоий фаолияти ҳақида батафсил тушунчалар бериб ўтилди.

Тадбир доирасида, Ўзбекистон Республикаси Вазирлар маҳкамаси ҳузуридаги Қатағон хотираси давлат музейи бош илмий ходими Б.Ирзаев мустақиллик учун курашган жадидларнинг ибратли ҳаёти ва фаолияти юзасидан батафсил маълумот бериб ўтди.

Шунингдек, Тошкент давлат юридик университети профессори Ф.Муҳиддинова “Янги Ўзбекистонда аждодлар хотираси ва уларнинг маънавий меросига эътибор” мавзусидаги маърузаси билан иштирок этди. 

Мазкур маънавий-маърифий тадбир талабаларнинг ижтимоий-сиёсий ва маънавий дунёқарашини юксалтириш билан бир қаторда уларда буюк аждодларимизга бўлган юксак эҳтиром туйғуларини янада мустаҳкамлашга хизмат қилади.