Манфаатлар тўқнашувига оид қонунчилик бўйича навбатдаги ўқув семинари ўтказилди

Академия томонидан Xalq banki АТБ тизими ходимлар учун коррупциявий ҳолатларнинг олдини олиш ҳамда манфаатлар тўқнашувига йўл қўймаслик соҳасида ҳуқуқий саводхонлигини ошириш қаратилган навбатдаги семинар ўтказилди.

Аралаш тарзда ўтказилган семинарда Xalq banki АТБ марказий маҳкамаси ва ҳудудий филиалларидан жами 4000 нафардан ортиқ ходимлар иштирок этди.

Ўқув семинари Академиянинг Коррупцияга қарши курашиш илмий-таълим маркази прокурори Т.Сафаров томонидан олиб борилиб, иштирокчиларга янги қабул қилинган “Манфаатлар тўқнашуви тўғрисида”ги Қонуннинг мазмун-моҳияти, давлат хизматчиларига ўрнатилган тақиқ ва чекловлар, уларни бузганлик учун қонунчиликда назарда тутилган жавобгарлик чоралари ҳақидаги қоидаларни тушунтирилиб, иштирокчиларнинг қизиқтирган саволларига батафсил маълумот берилди.