Манфаатлар тўқнашуви қонунчилиги бўйича навбатдаги ўқув семинари

Академия томонидан Тошкент архитектура ва қурилиш университети профессор-ўқитувчилари ва талабалари учун коррупциявий ҳолатларнинг олдини олиш ҳамда манфаатлар тўқнашувига йўл қўймаслик соҳасидаги ҳуқуқий саводхонлигини ошириш мақсадида навбатдаги ўқув семинари ўтказилди.

Университетнинг 100 нафардан ортиқ ходимлари, профессор-ўқитувчилари ва талабалари иштирок этган тадбирда Академиянинг Коррупцияга қарши курашиш илмий-таълим маркази прокурорлари Т.Сафаров ва Б. Баҳромбеков маъруза ва тақдимот билан иштирок этдилар. Маърузачилар иштирокчиларга янги қабул қилинган “Манфаатлар тўқнашуви тўғрисида”ги Қонуннинг мазмун-моҳияти, хизматчиларга ўрнатилган тақиқ ва чекловлар, уларни бузганлик учун назарда тутилган жавобгарлик чоралари ҳақидаги қоидаларни тушунтириб, иштирокчиларнинг барча саволларига жавоб беришди.