Академияда ёнгин хавфсизлигини таъминлаш тадбирлари

Ҳуқуқни муҳофаза қилиш академияси раҳбарияти топшириғига асосан жорий йилнинг октябрь ойи Ёнгин хавфсизлигини таъминлаш  ойлиги этиб белгиланди.

Шу муносабат билан, Академияда 2024 йил 7 октябрь куни Академия талабалари, шу жемладан 1-сонли ётоқхонасида истиқомат қилувчи талабалар иштирокида ёнғин хавфсизлиги қоидалари, талаб ва меъёрларини тушинтириш, ёнғин чиққан вазиятда кўриладиган чоралар ва ҳаракатлар бўйича кўникмаларни шакллантириш мақсадида тадбир ўтказилди.

Тадбир давомида талабалар ёнғин хавфсизлиги қоидалари ва талаблари билан тўлиқ таништирилди.  Шунингдек, талабаларга ёнғин чиққан вазиятда талаба томонидан қандай чоралар кўрилиши ва ҳаракатланиши зарурлиги амалий ва аниқ мисоллар ёрдамида батафсил тушинтирилиб, уларда бу борада кўникмалар шакллантирилди.

Бундан ташқари, ётоқхонанинг ҳар бир хонаси кесимида бир нафардан талаба танлаб олиниб, ёнғин хавфсизлиги бўйича хона масъули этиб белгиланди.

Ҳозирда Академияда ёнғин хавфсизлигини таъминлаш юзасидан тадбирлар давом эттирилмоқда.