Прокуратура органлари ходимлари иштирокида шеърхонлик танлови ўтказилди

Ҳуқуқни муҳофаза қилиш академиясида прокуратура органлари фаолиятида давлат тилидан тўғри ва тўлиқ фойдаланишни таъминлаш, давлат тилининг нуфузини ошириш, ходимларнинг нутқ маданиятини юксалтириш ҳамда давлат тилида иш юритишга оид амалий кўникмаларини ривожлантириш мақсадида “Тилга эътибор – элга эътибор” танлови бўлиб ўтмоқда.

Танлов бир неча йўналиш ва босқичларда ташкил этилган.

Хусусан, шеърхонлик танлови доирасида иштирокчилар Ватан, ўзбек тили, касб ва бошқа мавзуларда ўзлари танлаган ёки муаллифлик шеърларни танлов ҳайъати аъзолари ҳузурида ўқиб эшиттирдилар. Ҳайъат аъзолари номзодларнинг шеърхонлик маҳоратлари ва билимларини белгиланган мезонлар асосида баҳоладилар.

Танлов юқори савияда, холислик ва шаффофлик тамойиллари асосида ташкил этилди. Натижада, ҳайъат аъзолари томонидан уч нафар номзод кейинги босқичга тавсия этилди.