Манфаатлар тўқнашуви қонунчилиги бўйича ўқув тадбирлари давом этмоқда

Академия томонидан Ўзбекистон Республикаси Фавқулодда вазиятлар вазирлиги марказий маҳкамаси ходимлари иштирокида “Манфаатлар тўқнашуви ҳолатларини аниқлаш, уларни бартараф этиш ҳамда олдини олиш” мавзусида семинар ташкил этилди.

Семинар давомида Коррупцияга қарши курашиш илмий-таълим маркази прокурори Т.Сафаров томонидан иштирокчиларга янги қабул қилинган “Манфаатлар тўқнашуви тўғрисида”ги Қонуннинг мазмун-моҳияти, ходимлар учун ўрнатилган тақиқ ва чекловлар, ушбу қонунчиликни бузганлик учун назарда тутилган жавобгарлик чоралари ҳақида тақдимот қилиниб, иштирокчиларнинг қизиқтирган саволларига тушунтиришлар берилди.