Ўзбекистон Республикаси Ҳуқуқни муҳофаза қилиш академияси бошлиғининг талабалар билан учрашуви ўтказилди

Ёшларга қаратиладиган бугунги эътибор келажакка қўйилган мустаҳкам қадамдир. Бугун мамлакатимизда ёшларнинг пухта илм олиши, фан ва технология ютуқларидан унумли фойдаланишлари учун барча шароит муҳайё этилган. Айни мақсадда бўлажак қонун ҳимоячиларининг келажак режалари ва таклиф-мулоҳазаларини ўрганиш мақсадида Академия бошлиғи талабалар билан учрашди.

Учрашувда талабаларнинг эришган ютуқлари эътироф этилиб, Молиявий хавфсизлик бўйича IV Халқаро олимпиада ғолиблари, рейтинг кўрсатгичлари бўйича юқори натижаларни қайд этганлар, спорт мусобақалари ғолиблари Академия раҳбарияти томонидан муеносиб тақдирландилар.

Шунингдек, учрашув давомида талабаларнинг фикр ва мулоҳазалари ҳамда таклифлари эшитилиб, ўқув-тарбиявий ишларни янада такомиллаштиришга қаратилган чора-тадбирлар белгилаб олинди.