Академия вакиллари навбатдаги плоггинг экологик ҳаракатида иштирок этишди

Академия талабалари ва ходимлари Тошкент шаҳрида ташкил этилган плоггинг марафонида фаол иштирок этдилар. Мазкур экологик ҳаракат Яккасарой ва Миробод туманларини қамраб олган йўналиш бўйлаб ўтказилди ва унда 5 км дан ортиқ масофадаги ҳудуд чиқиндидан тозаланди.

Плоггинг – спорт билан шуғулланиш ва атроф-муҳитни тозалашни бирлаштирган жаҳон миқёсида кенг тарқалган ҳаракат бўлиб, мазкур марафон орқали талабалар ва ходимлар нафақат ўз соғликларини мустаҳкамладилар, балки шаҳар кўчаларини тоза сақлашга ўз ҳиссаларини қўшдилар.

Марафон давомида барчага хуш кайфият уланиб, муҳитни тоза сақлаш қанчалик муҳим эканлиги яна бир бор ёдга солинди. Тадбир якунида барча иштирокчиларга эсдалик совғалари топширилди.

Академия мазкур экологик ҳаракатда иштирок этгани орқали ўзининг табиатга бўлган масъулиятли муносабатини яна бир бор намоён қилди. Плоггинг каби акциялар Академиянинг атроф-муҳитни муҳофаза қилиш йўлидаги саъй-ҳаракатларини янада мустаҳкамлашга хизмат қилади.