“Ички ишлар органларида терговни ташкил этиш масалалари” мавзусида ИИО терговчилари малакасини ошириш курси ўтказилди

Ҳуқуқни муҳофаза қилиш академиясида Ички ишлар органлари терговчилари учун “Ички ишлар органларида терговни ташкил этиш масалалари” мавзусида малака ошириш курсининг анъанавий тарзидаги ўқув машғулотлари бўлиб ўтди.

Мазкур ўқув курси аралаш таълим шаклида ташкил этилиб, унинг якуний қисмида Академияда тингловчиларга ҳодиса жойини кўздан кечиришнинг умумий қоидалари, тезкор-қидирув тадбирлари, экспертиза текшируви учун намуналар олиш, жабрланувчининг шикоятига асосан қўзғатиладиган жиноятлар бўйича терговга қадар текширув фаолиятини ташкил этиш, бир неча жиноят содир этилганда қилмишни квалификация қилишнинг айрим масалалари юзасидан дарс машғулотлари ташкил этилди.

Шу билан бирга тингловчиларга тезкор-қидирув фаолияти натижаларидан жиноят процессида фойдаланишни ташкил этиш, одам савдоси жиноятларини фош этиш билан боғлиқ тергов ҳаракатлари, рақамли криминалистика асослари, фирибгарлик жиноятини тергов қилишнинг умумий ва махсус жиҳатлари, тезкор-қидирув, терговга қадар текширув, одам савдоси жиноятларини тергов қилиш тактикаси, экспертиза тергов ҳаракати, хотин-қизлар ва бола ҳуқуқлари, эркинликлари ҳамда қонуний манфаатларини ишончли ҳимоя қилиш тизимини янада такомиллаштириш бўйича жиноят қонунчилигига киритилган ўзгартириш ва қўшимчалар мазмун-моҳиятига оид билим ва кўникмалар берилди.