Оператор-монтажчи вазифасига танлов эълон қилинади

Ўзбекистон Республикаси Ҳуқуқни муҳофаза қилиш академияси Жамоатчилик билан алоқалар бўлимига оператор-монтажчи вазифасига танлов эълон қилади (фуқаролик-ҳуқуқий шартнома асосида муайян муддатга).

Академия ҳақида: Ўзбекистон Республикаси Президентининг 2022 йил 28 ноябрдаги “Жиноятларни тергов қилиш соҳасида малакали кадрларни тайёрлашнинг сифат жиҳатидан янги тизимини жорий этиш тўғрисида”ги ПФ–257-сон Фармонига асосан Бош прокуратура Академияси негизида Ўзбекистон Республикаси Ҳуқуқни муҳофаза қилиш академияси ташкил этилди.

Академия ўз фаолиятини очиқ ва шаффоф тарзда амалга оширади. Шу муносабат билан, таълим даргоҳи имиджини шакллантириш, юртимизда олиб борилаётган кенг кўламли ислоҳотларда Академия ташаббускорлигини кўрсатиш мақсадида Академия фаолиятига вақтинчалик асосда Жамоатчилик билан алоқалар бўлимига оператор-монтажчи мутахассис жалб қилиш эҳтиёжи мавжуд. Мутахассис томонидан тақдим этилган ҳужжатлар маъқулланган тақдирда, у билан Академия ўртасида икки томонлама фуқаролик ҳуқуқий шартнома имзоланади.

Оператор-монтажчи қуйидаги вазифаларни бажаради:

Академия Жамоатчилик билан алоқалар бўлимида фаолият юритади ва бевосита Бўлим бошлиғига бўйсунади.

Академиядаги таълим ва илмий жараёнларни видео ва фото материалларини съёмка қилиш, монтаж қилиш ва уларга ишлов бериш орқали сифатли медиа контентни яратиш.

Академия имиджини шакллантиришга хизмат қиладиган сифатли промо-ролик, имидж-ролик, презентацион ролик, интервьюлар, кўрсатувлар, подкастлар ва тегишли йўналишларда ижтимоий роликлар тайёрлаш.

Академиядаги тадбирларни сифатли фото ва видеосъёмкасини таъминлаш, ишлов бериш ва тайёр медиаконтент яратиш.

Фото, видео ва бошқа медиамаҳсулотларни архивлаштириш, сақлаш ва хавфсизлигини таъминлаш.

Академия Жамоатчилик билан алоқалар бўлими бошлиғи топшириқларини белгиланган муддатларда ва сифатли бажариш, қилинган ишлар юзасидан ҳисобот бериб бориш.

Академия талабалари медиатўгараги фаолиятига кўмаклашиш.

Номзодга қўйиладиган талаблар:

Номзод олий (ёки тугалланмаган олий) ёки ўрта (ёки ўрта-махсус) маълумотга эга бўлиши.

18 ёшдан кичик, 40 ёшдан катта бўлмаслиги.

Операторлик ва монтажерлик соҳасида тажрибага эга бўлиши номзод учун афзаллик беради.

Ўз фаолияти соҳасида замонавий техникалар ва дастурларда ишлаш кўникмаларига эга бўлиши.

Прокуратура органларида мутахассис сифатида жалб қилинган ходим сифатида намунавий шахсий фазилатларга эга бўлиш.

Бажариладиган иш муддати: мазкур иш муддати 6 ойга белгиланган бўлиб, келгусида заруратга кўра, фуқаро меҳнат шартномаси асосида Академияга ишга қабул қилиниши мумкин.

Бажарилган иш учун тўлов миқдори тарафлар келишуви билан белгиланади ва талабгорга бажарилган иш натижасига кўра тўланади.

Талаблар: масъулият ва профессионализм, ташаббускорлик, жамоа билан ҳамнафас ишлаш, берилган топшириқларни ўз вақтида ва сифатли бажариш.

Иш вақти: соат 09:00 дан 18:00 гача, 40 соатлик, ҳафтасига 5 кунлик иш режимини ташкил этади.

Талабгор Академия Кадрлар бўлимига фуқаролик паспорти ёки ID картаси билан шахсан мурожаат қилиб, тегишли ҳужжатлар (шахсини тасдиқловчи ҳужжат, объективка, олий таълим олганлик ҳақида ҳужжат (унинг иловаси), меҳнат дафтарчаси нусхаси, СТИР, ПИНФЛ маълумотномаси)ни тақдим этиши лозим. Тақдим этилган ҳужжатлар ўрганиб чиқилганидан сўнг, заруратга кўра талабгор билан комиссия таркибида суҳбат ўтказилади.

Ҳужжатларни топшириш муддати – 2024 йил 28 октябрь (шу куни ҳам).

Манзил: Тошкент ш. Юнусобод тумани Рихсили кўчаси, 9-уй (мўлжал: эски Зенит заводи).

Душанба-жума кунлари соат 10:00 дан 17:00 гача мурожаат учун тел.: 71-202-04-96 (1737); 90-904-30-04.