Ҳуқуқни муҳофаза қилиш академияси Кенгашининг навбатдаги мажлиси бўлиб ўтди

Мажлисда Академия талабалари томонидан битирув малакавий ишларини тайёрлаш ва баҳолаш тартиби, 2-курс сиртқи таълим шаклида таҳсил олаётган магистратура тингловчиларининг магистрлик илмий-тадқиқот ишлари мавзулари ҳамда мустақил изланувчиликка қабул қилинган тадқиқотчиларнинг диссертация мавзулари, илмий раҳбарлари ва бириктирилган таркибий тармоқлари тасдиқланди.

Шунингдек, Академия таянч докторантларининг айримларига нисбатан интизомий жазо қўллаш юзасидан маълумот эшитилди.

Шу билан бирга, Академия профессор-ўқитувчилари ҳамда тадқиқотчилари томонидан тайёрланган илмий адабиётлар кўриб чиқилиб, Академия таркибий тармоқлари фаолияти самарадорлигини янада ошириш масалалари муҳокама қилинди.

Мажлис кун тартибидаги барча масалалар бўйича тегишли қарорлар қабул қилинди.