Академия талабаларининг Миллий кутубхонага ташрифи

Ҳуқуқни муҳофаза қилиш академияси талабалари Ўзбекистон Миллий кутубхонасига танишув ташрифини амалга оширдилар ва кутубхонага аъзо бўлдилар. Ташриф давомида талабалар кутубхонанинг ресурслари, фондлари ва замонавий ахборот технологиялари билан танишдилар.

Кутубхона ходимлари талабаларга кутубхонанинг фаолияти, ахборот ресурслари ва электрон маълумотлар базалари ҳақида маълумот бердилар. Ташриф давомида талабалар кутубхонадаги китоблардан ва ахборот ресурсларидан эркин фойдаланиш имкониятини берувчи аъзоликка қабул қилинди.

Мазкур ташриф талабаларга Академияда таҳсил олиш давомида зарур бўлган илмий ва академик ресурсларга кириш имкониятини тақдим этиб, уларнинг китобхонлик ва ахборот манбаларидан самарали фойдаланиш кўникмаларини оширишга хизмат қилади.