Отиш тайёргарлиги бўйича мусобақа ўтказилди

Ёшларни ҳарбий-ватанпарварлик руҳида тарбиялаш, Ватанга бўлган муҳаббат туйғусини янада ривожлантириш, уларни касбий тайёргарлиги бўйича билим ва амалий кўникмаларини мустаҳкамлаш, келгуси хизмат фаолиятига тайёрлаш ҳамда улар ўртасида соғлом рақобат ҳиссини шакллантириш мақсадида Ҳуқуқни муҳофаза қилиш академиясида 1 ва 2-курс талабалари ўртасида Макаров пистолетини нотўлиқ қисмларга ажратиш ва йиғиш тартиби бўйича мусобақа ўтказилди.

Мусобақа ўғил бола ва қизлар ўртасида алоҳида бўлиб ўтди. Барча иштирокчилар машқни амалга оширган вақт нисбати бўйича Ўзбекистон Республикаси Миллий гвардиясининг ҳарбий хизматчилари ва Академия ходимларидан ташкил топган ҳакамлар ҳайъати томонидан баҳоланди.

Унга кўра натижалар қуйидагича тус олди:

Ўғил болалар ўртасида:

1-ўрин – Сериков Султан – “Прокурорлик фаолияти” йўналиши 2-курс талабаси;

2-ўрин – Комилов Самандар – “Тергов фаолияти” йўналиши 2-курс талабаси;

3-ўрин – Бердиқулов Шодиёр – “Тергов фаолияти” йўналиши 1-курс талабаси.

Қиз болалар ўртасида:

1-ўрин – Зарипова Бону – “Тергов фаолияти” йўналиши 1-курс “Б”-талабаси;

2-ўрин – Оринбаева Ақсингул – “Прокурорлик фаолияти” йўналиши 1-курс талабаси;

3-ўрин – Собиталиева Одина – “Прокурорлик фаолияти” йўналиши 1-курс талабаси.

Мусобақа дўстона ва кўтаринки руҳда ўтказилди, ғолиблар эса муносиб равишда диплом, медаль, китоб ва бошқа совғалар билан тақдирландилар.

Бу каби тадбирлар доимий ва тизимли равишда ташкил этилиши режалаштирилган.