“Ўзбекистон Республикасининг Конституцияси – эркин ва фаровон ҳаёт гарови” мавзусида учрашув ўтказилди

Ҳуқуқни муҳофаза қилиш академиясида ю.ф.д. Х.Бобоев ва прокуратура органлари фахрийси Э.Абзалов иштирокида “Ўзбекистон Республикасининг Конституцияси – эркин ва фаровон ҳаёт гарови” мавзусида учрашув ташкил этилди.

Тадбирда Академия ходимлари, тингловчилари ва бакалавриат босқичи талабалари иштирок этди.

Тадбирда Ўзбекистон Республикасининг янги таҳрирдаги Конституциясининг мазмун-моҳияти, унинг нормаларини сўзсиз ва тўлиқ амалга ошириш, фуқароларнинг ҳуқуқлари ва қонуний манфаатларини ҳимоя қилишдаги аҳамияти талабаларга етказилди.

Маърузачилар томонидан Конституциянинг қоидалари ва тамойилларини амалий мисоллар билан тушунтириб берилиши талабаларда катта қизиқиш уйғотди.

Учрашув чуқур мулоҳазалар билан ўтиб, талабалар Ўзбекистон Республикасининг янги таҳрирдаги Конституциясининг нормаларини амалда қўллаш борасида ўзларини қизиқтирган саволларга етарлича жавоб олдилар.