Юнусобод тумани ва Янгийўл шаҳрида “Хавфсиз ҳудуд” лойиҳаси муваффақиятли якунланди

Академия томонидан лойиҳа бошқаруви асосида долзарб йўналишларда турли соҳа экспертларини жалб қилган ҳолда лойиҳалар амалга ошириб келинмоқда.

Жорий йилнинг август-октябрь ойларида Юнусобод тумани ва Янгийўл шаҳрида Япония халқаро ҳамкорлик ташкилоти кўмагида “Хавфсиз ҳудуд” пилот лойиҳаси амалга оширилди. Лойиҳанинг асосий мақсади йўл-транспорт ҳодисалари ва транспорт воситалари томонидан қоидабузарликлар тўғрисидаги маълумотларни аниқлаш, бу жараёнга ҳамда йўлларда хавфсизликни таъминлашга фуқароларни фаол жалб қилишдан иборат.

Лойиҳа доирасида Йўл ҳаракати хавфсизлиги хизмати ходимлари иштирокида ушбу туманлардаги йўл-транспорт вазиятининг таққосий таҳлили ўтказилди, бу эса асосий муаммоли ҳудудларни аниқлаб, йўл ҳаракати хавфсизлигини ошириш бўйича чора-тадбирларни ишлаб чиқишга имкон берди.

Лойиҳанинг якуний босқичида ташаббусни амалга оширишга катта ҳисса қўшган энг фаол иштирокчиларни тақдирлаш маросими бўлиб ўтди. Тақдирланганлар қаторида қоидабузарлик ҳолатларини аниқлаш ва йўл вазиятини яхшилаш учун ечимлар таклиф этишда фаол қатнашган фуқаролар бор.

“Хавфсиз ҳудуд” лойиҳаси жамоат хавфсизлигини таъминлашда фуқаролар ва давлат органлари ўртасидаги ҳамкорлик самарадорлигини намойиш этди ҳамда йўл-транспорт ҳодисалари сонини камайтириш йўлида биргаликдаги саъй-ҳаракатларнинг аҳамиятини кўрсатди.

https://t.me/xavfsiz_hudud_bot