“Конституция – эркин ва фаровон ҳаёт гарови!” мавзусида сайёр тадбирлар туркуми ўтказилди

Ўзбекистон Республикаси Конституцияси ўттиз икки йиллигини нишонлаш доирасида Асосий қонунимизда белгиланган халқ ҳокимиятчилиги, инсон қадри, эркинлик ва тенглик, ижтимоий адолат ва бирдамлик каби эзгу ғоялар моҳиятини кенг тарғиб қилиш мақсадида Ҳуқуқни муҳофаза қилиш академияси томонидан жойларда “Конституция – эркин ва фаровон ҳаёт гарови!” деган бош ғояни ўзида мужассам этган маънавий-маърифий тадбирлар туркуми ташкил этиб келинди.

Хусусан, жорий ҳафта давомида Академия профессор-ўқитувчилари томонидан Тошкент Халқаро университетида, Тошкент давлат юридик университетида, ИИВ академиясида, Тошкент тиббиёт академиясида, ИИВ 1-сонли Тошкент академик лицейида “Конституция – эркин ва фаровон ҳаёт гарови!” мавзусида тадбирлар ўтказилди.

Мазкур учрашувлар жараёнида иштирокчиларга янгиланган Конституциямиз мазмун-моҳияти ва “Ўзбекистон – 2030” стратегиясининг асосий устувор йўналишлари доирасида белгиланган туб ислоҳотлар, ҳаётнинг турли соҳаларида амалга оширилаётган кенг кўламли ислоҳотлар, инсон ҳуқуқлари ва қонуний манфаатларинининг ишончли ҳимоясини таъминлашда янги таҳрирдаги Конституциянинг ўрни ва роли ҳақида атрофлича маълумотлар берилди.

Мазкур тадбирлар тизимли асосда ўтказилиши режалаштирилган.