Академия прокуратура органлари ходимлари ўртасида китобхонликни кенг тарғиб қилиш йўлида

Академия томонидан прокуратура органлари, Академия ходимлари, шунингдек талаба ва тингловчилар ўртасида китобхонлик маданиятини кенг тарғиб қилишга қаратилган ишлар тизимли равишда амалга оширилмоқда.

Турли танловлар, китоб ярмаркалари, замонавий муаллифлар билан ижодий учрашувлар ва бошқа тадбирлар мунтазам ўтказиб келинади.

Мазкур фаолият доирасида прокуратура органлари электрон ҳужжат айланиши тизимида электрон кутубхона ташкил этилиб, республикамизнинг барча ҳудудлари, шу жумладан энг чекка ҳудудлари ходимлари учун электрон кутубхона дан фойдаланиш имконияти яратилди.

Мазкур кутубхонада миллий ва жаҳон адабиётининг юксак намуналари билан бир қаторда, юридик, илмий-тарихий ва бошқа адабиётлар рақамли тарзда киритилган. Бугунги кунда электрон кутубхонада икки мингдан ортиқ адабиёт жойлаштирилган бўлиб, кутубхона фонди мунтазам бойитиб борилмоқда.

Мазкур чора-тадбирлар ходимларнинг китобга бўлган қизиқишини ошириш, уларнинг адабиёт ҳамда профессионал ресурсларга бўлган муносабатини мустаҳкамлашга хизмат қилади.