Масофавий таълим соҳасида Академия профессор-ўқитувчиларининг салоҳиятини юксалтириш

Кадрларни касбий қайта тайёрлаш ва уларнинг малакасини ошириш жараёнига, шу жумладан аралаш ва ишдан ажралмаган ҳолда масофавий шаклдаги таълим жараёнларига самарали инструментлар ва замонавий технологияларни жорий қилиш Академия фаолиятининг устувор йўналишларидан биридир.

Шу муносабат билан, Академияда масофавий ва аралаш курсларни ишлаб чиқиш бўйича Академия профессор-ўқитувчилари салоҳиятини юксалтиришга қаратилган семинар-тренинг ташкил этилди.

Семинар-тренинг жараёнида профессор-ўқитувчиларнинг билим ва кўникмаларини ривожлантириш мақсадида масофавий ва аралаш курслар учун электрон таълим ресурсларини сунъий интеллект (ChatGPT, Grammarly, Gamma) ёрдамида ва визуал микроконтентларни замонавий дастурлар (Quizizz, Canva, Duolingo, Animaker, Edmodo) асосида ишлаб чиқишнинг ўзига хос хусусиятлари кўриб чиқилди.

Мазкур семинар-тренинг Академия профессор-ўқитувчиларининг масофавий ва аралаш курслари учун замонавий электрон таълим ресурсларини ишлаб чиқиш кўникмаларини ривожлантиришга хизмат қилди.