Манфаатлар тўқнашуви қонунчилиги мазмун-моҳияти бўйича семинарлар давом этмоқда

Ҳуқуқни муҳофаза қилиш академияси томонидан Ўзбекистон Республикаси Президентининг Ўзбекистон Республикасининг “Манфаатлар тўқнашуви тўғрисида”ги Қонуни ижросини самарали ташкил этиш чора-тадбирлари тўғрисида”ги қарори ижросини таъминлаш доирасида давлат органлари ва ташкилотларида коррупцияга қарши курашиш ва манфаатлар тўқнашувининг олдини олиш соҳасидаги қонунчилик борасидаги хабардорликни ошириш бўйича ишлар тизимли олиб борилмоқда.

Коррупциявий ҳолатларнинг олдини олиш ҳамда манфаатлар тўқнашувига йўл қўймаслик масалаларидаги навбатдаги ўқув машғулоти Сув хўжалиги вазирлиги ва унинг тизимидаги ташкилотлар раҳбарлари учун ўтказилди.

Тадбирда Коррупцияга қарши курашиш илмий-таълим маркази прокурори Т.Сафаров томонидан иштирокчиларга “Манфаатлар тўқнашуви тўғрисида”ги Қонуннинг мазмун-моҳияти, давлат хизматчиларига ўрнатилган тақиқ ва чекловлар, уларни бузганлик учун қонунчиликда назарда тутилган жавобгарлик чоралари бўйича батафсил маълумот берилди.