Халқаро ҳуқуқ бўйича талабалар дебат клубининг навбатдаги сони

Ҳуқуқни муҳофаза қилиш академиясининг интеллектуал ўйинлар залида бакалавриатнинг 2-босқич талабалари иштирокида дебат клубининг “Халқаро ҳуқуқда ҳудуд” мавзусидаги навбатдаги сони бўлиб ўтди.

Дебат клубининг мазкур сонида талабалар ҳудудлар суверенитети, давлатлар чегараларини белгилаш ва унинг халқаро ҳуқуқий оқибатлари каби долзарб масалалар юзасидан ўз фикр-мулоҳазаларини билдирдилар.

Тадбирнинг асосий мақсади талабалар ўртасида мустақил фикрлаш, танқидий таҳлил қилиш ва амалий мулоқот олиб бориш кўникмаларини ривожлантиришга қаратилган бўлиб, бу уларнинг келгусидаги касбий фаолиятига муҳим асос бўлиб хизмат қилади.

Иштирокчиларнинг таъкидлашича, мазкур дебатлар уларга халқаро ҳуқуқ соҳасидаги билимларини янада мустаҳкамлаш ва турли манбалар асосида холис фикр билдириш кўникмаларини ривожлантириш имконини берди.

Мазкур мулоқот майдони талабаларга ўз фикрларини эркин баён қилиш, ҳозиржавоблик ва мураккаб саволларга жавоб топишда ёрдам беради. Шунингдек, у ёш мутахассислар ўртасида ўзаро алоқаларни мустаҳкамлаш, келгусидаги касбий ҳамкорликлар учун замин яратишни мақсад қилган.