“Одам савдоси билан боғлиқ жиноятларни тергов қилиш устидан прокурорлик назоратини самарадорлигини ошириш масалалари” мавзусида тренинг ўтказилди

Ўзбекистон Республикаси Ҳуқуқни муҳофаза қилиш академияси ташкил этилганининг икки йиллиги муносабати билан ташкил этилган туркум тадбирлар доирасида ЕХҲТнинг Ўзбекистондаги лойиҳалари координатори билан ҳамкорликда Буюк Британия экспертлари иштирокида “Одам савдоси билан боғлиқ жиноятларни тергов қилиш устидан прокурорлик назоратини самарадорлигини ошириш масалалари” мавзусида семинар-тренинг ташкил этилди.

Тренингни ўтказишдан мақсад прокуратура органлари ходимларининг одам савдоси билан боғлиқ жиноятларни тергов қилиш ва суд жараёнининг амалий фаолиятга оид салоҳиятини оширишдан иборат.

Семинар-тренингни Ўзбекистан Республикаси Ҳуқуқни муҳофаза қилиш академияси бошлиғининг биринчи ўринбосари Евгений Вячеславович Коленко ва ЕХҲТнинг Ўзбекистондаги лойиҳалари координатори Антти Карттунен ўзларининг кириш сўзлари билан очиб бердилар.

Икки кунлик тадбир жараёнида прокуратура органлари ходимлари одам савдоси билан боғлиқ жиноятларни тергов қилиш ва суд амалиёти соҳасида хорижий экспертлар тажрибаларини ўргандилар ва соҳага оид салоҳиятларини ошириш имконига эга бўлдилар.