Прокуратура органлари ходимлари томонидан муомала маданияти ва одоби (этика)га қатъий риоя этилишини таъминлаш бўйича чора тадбирлар Дастури доирасида коммуникатив салоҳиятни ошириш тренинглари

Бош прокуратура Академиясининг психологик таъминлаш бўлими мутахассислари томонидан республиканинг барча ҳудудларида прокуратура органлари ходимлари томонидан муомала маданияти ва одоби (этика)га қатъий риоя этилишини таъминлаш бўйича чора тадбирлар Дастури доирасида прокурорларнинг коммуникатив салоҳиятни ошириш тренинглари ўтказилмоқда.

Машғулотларда фуқаролар қабулига масъул туман прокурорлари ўринбосарлари ва вилоят прокуратураси ходимлари иштирок этмоқда. Ушбу тренинг интерактив ўқитиш методларига асосланган бўлиб, ходимларда фуқаролар билан мулоқотни самарали шакллантиришда етарли билим ва кўникмаларини ривожлантиришга қаратилган.

Тренинг иштирокчилари фуқаролар қабули ва муаммоли вазиятларни ҳал қилишда олинган билим ва малакаларини фойдали эканлигини таъкидлаб ўтишди.