Дастурчи мутахассис вазифасига танлов эълон қилинади

Ўзбекистон Республикаси Ҳуқуқни муҳофаза қилиш академияси (кейинги ўринларда – Академия) Рақамли криминалистика илмий тадқиқот институтига (кейинги ўринларда – Институт) янги технологиялар бўйича дастурий таъминот яратадиган дастурчи мутахассис вазифасига танлов эълон қилинади (шартнома асосида вақтинчалик иш).

Академия ҳақида: Ўзбекистон Республикаси Президентининг 2022 йил 28 ноябрдаги “Жиноятларни тергов қилиш соҳасида малакали кадрларни тайёрлашнинг сифат жиҳатидан янги тизимини жорий этиш тўғрисида”ги ПФ–257-сонли Фармонига асосан Бош прокуратура Академияси негизида Ўзбекистон Республикаси Ҳуқуқни муҳофаза қилиш академияси ташкил этилган.

Шунингдек, Ўзбекистон Республикаси Президентининг 2024 йил 21 июндаги ПҚ–229-сон “Рақамли криминалистика соҳасида илмий-тадқиқот фаолиятини ташкил этиш чора-тадбирлари тўғрисида”ги Қарори билан Рақамли криминалистика илмий-тадқиқот институти ташкил этилиб, Институт зиммасига бир қатор вазифа ва функциялар юклатилган.

Институтга юклатилган вазифалар ижросини таъминлаш мақсадида Институтда 4 та таркибий тармоқ, хусусан, Ихтисослаштирилган рақамли тадқиқот маркази, Рақамли терговга кўмаклашиш бўлими, Услубий ёрдам кўрсатиш бўлими ва Рақамли криминалистика лабораторияси ташкил қилинган.

Ҳозирги кунда, Академия таркибидаги Институтнинг рақамли криминалистика лабораториясига вақтинчалик асосда дастурчи мутахассис жалб қилиш зарурати мавжуд. Мутахассис томонидан тақдим этилган ҳужжатлар маъқулланган тақдирда, у билан Академия ўртасида икки томонлама фуқаролик ҳуқуқий шартнома имзоланади.

Дастурчи қуйидаги мажбуриятларни бажаради:

- Python, Java, C++, C#, JavaScript ва бошқа замонавий дастурлаш тилларини яхши билиш;

- Веб технологияларида ишлаш. Хусусан, HTML, CSS, JavaScript ва сервер тарафдан ишлов бериш учун PHP, Node.js ёки Python (Django, Flask) каби веб рамкаларда ишлаш;

- Маълумотлар базаси билан ишлаш. Хусусан, SQL, NoSQL, MySQL, PostgreSQL, MongoDB маьлумотлар базаларини бошқариш ва уларни дастурга интеграция қилиш;

- Back-end технологиялари билан ишлаш. Хусусан, сервер тарафли дастурлаш ва RESTful API, GraphQL, Node.js, Django, Flask каби back-end рамкаларини билиш;

- Код сифатини таъминлаш, яъни коднинг тозалиги, ўқилиши ва ҳужжатлашишини таъминлаш (кодни ўқиш ва тушуниш осон бўлиши керак);

- Тестлаш, яъни юнит, интеграцион ва тизим тестларини ёзиш. Тестларни автоматлаштириш ва код сифатини доимий назорат қилиш;

- Дебагинг, яъни дастурдаги хатоликларни топиш ва тузатиш учун илғор дебагинг воситаларидан фойдаланиш;

- Криптография ва хавфсизликни таъминлаш. Хусусан, маълумотларни ҳимоя қилиш, аутентификация ва авторизация тизимларини тушуниш;

- Веб хавфсизлигини таъминлаш. Хусусан, хавфсизликдаги заифликлар (масалан, SQL injection, XSS, CSRF) ва улардан қандай ҳимояланишни билиш;

- Сервер ва тармоқ созламалари, яъни веб-серверларнинг (Apache, Nginx) тармоқ созламалари ва серверларни бошқариш;

- Рақамли криминалистика илмий тадқиқот институтининг расмий веб-саҳифасини ишлаб чиқиш;

- Ўзбекистон Республикасида ягона бўлган тадқиқотлар ўтказиш мақсадида барча турдаги Электромобилларнинг мультимедия тизимларини таҳлил қиладиган дастурий таъминотлар яратиш;

Номзодга қўйиладиган талаблар:

- Рақамли криминалистика илмий-тадқиқот институтининг расмий веб-саҳифасини тайёрлайдиган мутахассис учун зарур олий маълумотга эга бўлиши;

- 25 ёшдан кичик, 55 ёшдан катта бўлмаслиги;

- Қонунчилик ҳужжатларига мувофиқ, мутахассис веб-саҳифа ва платформаларни яратиш, ишлаб чиқиш ва қўллаб-қувватлаш ҳуқуқидан маҳрум этилмаган бўлиши;

- Масъулият ҳисси, мустақил иш тутиш хусусиятларига эга бўлиши зарур.

Янги технологияларга асосланган дастурий таъминотларни ишлаб чиқиш бўйича мутахассис вазифасига ишга қабул қилиш Академия ички локал ҳужжатларида белгиланган тартибда, Академия раҳбари буйруғи билан амалга оширилади.

Мазкур иш муддати 2 ойга белгиланган бўлиб, келгусида заруратга кўра, фуқаро меҳнат шартномаси асосида Академияга ишга қабул қилиниши мумкин.

Бажарилган иш учун тўлов миқдори тарафлар келишуви билан белгиланади ва талабгорга бажарилган иш натижасига кўра тўланади.

Талаблар: Ташаббускорлик, жамоа билан ҳамнафас ишлаш, берилган топшириқларни ўз вақтида бажариш.

Иш вақти 40 соатлик, ҳафтасига 5 кунлик иш режимини ташкил этади.

Талабгор Академия Кадрлар бўлимига шахсан мурожаат қилиб, тегишли ҳужжатларни (шахсини тасдиқловчи ҳужжат, объективка, олий таълим олганлик ҳақида диплом ва унинг иловаси, меҳнат дафтарчаси нусхаси, СТИР маълумотномаси) тақдим этиши лозим. Тақдим этилган ҳужжатлар ўрганиб чиқилганидан сўнг, заруратга кўра талабгор билан комиссия таркибида суҳбат ўтказилади.

Ҳужжатларни топшириш муддати 2024 йил 11 декабрга қадар.

Тел.: 71-202-04-96 (1922)