Ўзбекистон Республикаси жиноят қонунчилигини такомиллаштириш бўйича ишчи гуруҳнинг навбатдаги йиғилиши бўлиб ўтди

2018 йил 2 ноябрь куни Бош прокуратура Академиясида халқаро экспертлар иштирокида Ўзбекистон Республикаси жиноят қонунчилигини такомиллаштириш бўйича ишчи гуруҳнинг навбатдаги йиғилиши бўлиб ўтди.

Йиғилишда Конституциявий суд, Олий Мажлис суд-ҳуқуқ масалалари бўйича Қўмитаси, Интерпол миллий марказий бюроси, Олий Мажлис ҳузуридаги Қонунчилик муаммолари ва парламент тадқиқотлари институти, ИИВ, ТДЮУ ва Адвокатлар палатасидан вакиллар, шунингдек, халқаро эксперт Горан Клименчич (Словения) иштирок этдилар.

Ўтказилган мунозаралар доирасида иштирокчиликда содир этилган жиноятлар учун жавобгарлик, бир қанча жиноят содир этиш каби қилмишларни таснифлаш, қилмишнинг жиноийлигини истисно қиладиган ҳолатлар масалалари муҳокама қилинди. Миллий ва хорижий давлатлар жиноят қонунчилиги таҳлилига асосланган миллий ва халқаро тажрибадан амалий мисоллар келтирилди.