“Лойиҳа бошқарувида режалаштиришнинг самарали воситалари” мавзусида ўқув семинари бўлиб ўтди

Жорий йилнинг 8 ноябрь куни Ўзбекистон Республикаси Бош прокуратураси Академияси фаолиятига лойиҳа бошқарувини жорий этишга оид ишлар доирасида профессор-ўқитувчилар учун “Лойиҳа бошқарувида режалаштиришнинг самарали воситалари” мавзусида ўқув семинари бўлиб ўтди. 

Ушбу тадбир Ўзбекистон Республикаси Президенти ҳузуридаги Лойиҳа бошқаруви агентлиги қошида фаолият кўрсатувчи Абу Райҳон Беруний номидаги Бизнес ва бошқарув олий мактаби ўқитувчилари С.Спасенних ва И.Насруллаевлар томонидан олиб борилди.

Семинарнинг мақсади – ходимларни режалаштиришни бошқаришни тўғри ташкил этишга ўргатиш ҳамда лойиҳа жамоаси билан ишлаш бўйича амалий кўникмаларни шакллантиришдир.

Семинар доирасида иштирокчиларга ташкилотларнинг лойиҳалаштириш фаолиятида самарали фойдаланиб келинаётган лойиҳаларни режалаштиришнинг замонавий воситаларини қўллашнинг афзалликлари ҳақида маълумот берилди.

Ўқув машғулоти иштирокчилари томонидан таъкидланганидек, семинар давомида олинган билимлар ходимларда лойиҳа бошқарувининг муҳим таркибий қисми бўлмиш – ишларни режалаштиришни тўғри ташкил этишга оид амалий кўникмаларни шакллантиришга хизмат қилади.