“Ахборот технологиялари ёрдамида содир этилаётган фирибгарлик ва ўғирлик жиноятларига қарши курашиш: муаммо ва ечимлар” мавзусидаги конференция ўтказилди

Ўзбекистон Республикаси Ҳуқуқни муҳофаза қилиш академияси томонидан Ўзбекистон Республикаси Ички ишлар вазирлиги, Ички ишлар вазирлиги Академияси билан ҳамкорликда Фарғона вилояти ички ишлар бошқармасида “Ахборот технологиялари ёрдамида содир этилаётган фирибгарлик ва ўғирлик жиноятларига қарши курашиш: муаммо ва ечимлар” мавзусидаги республика илмий-амалий конференцияси бўлиб ўтди.

Конференция ишида юқорида қайд этилган идоралардан ташқари Фарғона вилояти ИИБ ҳузуридаги Тергов бошқармаси бўлинмалари суриштирувчи ва терговчилари, Фарғона вилояти прокуратураси масъул ходимлари, Ўзбекистон Республикаси ИИВ Киберхавфсизлик маркази, ИИВ Эксперт-криминалистика бош маркази, ИИВ ҳузуридаги Тергов департаменти Ахборот технологиялари соҳасидаги жиноятларни тергов қилиш бўлими, ТАТУ Фарғона вилояти филиали вакиллари иштирок этди.

Конференцияда Ўзбекистон Республикаси Ҳуқуқни муҳофаза қилиш академияси бошлиғининг ўринбосари М.Мамасиддиқов, Академия ҳузуридаги Рақамли криминалистика илмий-тадқиқот институти бошлиғи Ғ.Мусаев ва  ушбу Институт бўлим бошлиғи Б.Қудратов маъруза билан иштирок этдилар.

Конференция иши доирасида экспертлар ахборот-коммуникация технологияларини қўллаган ҳолда  содир этилаётган жиноятларга қарши курашиш соҳасидаги самарали ечимлар ва ижобий тажриба билан ўртоқлашдилар,  шунингдек тадбир иштирокчилари киберхавфсизликни таъминлаш борасида идоравий ҳамкорликни янада мустаҳкамлашга келишиб олдилар.