Академия юридик клиникаси бепул ҳуқуқий ёрдам кўрсатади

Сиз ҳуқуқий масалаларда муаммоларга дуч келяпсизми?
Унда бу таклиф айнан сиз учун!

Ўзбекистон Республикаси Ҳуқуқни муҳофаза қилиш академияси Юридик клиникаси фуқароларга бепул ҳуқуқий ёрдам (ҳуқуқий маслаҳатлар, ариза лойиҳаларини шакллантириш ва бошқалар) кўрсатиш бўйича фаолият кўрсатмоқда.

Юридик клиника сизга қуйидаги ҳуқуқий масалаларда ёрдам беради:

- Терговга қадар текширув, суриштирув ва дастлабки тергов масалаларида;

- Фуқаролик, иқтисодий, маъмурий судларда ариза, даъво аризаси, апеллация, кассация, тафтиш инстанцияларига шикоят аризаларини тайёрлаб бериш;

- Маъмурий ҳуқуқбузарликка оид ишларда ҳуқуқий ёрдам кўрсатиш;

- Таълим, оила, меҳнат, пенсия, ижтимоий таъминот ва бошқа масалаларда ҳуқуқий ёрдам бериш.

Юридик клиникага мурожаат қилишнинг икки хил тартиби мавжуд:

- Расмий саҳифа орқали онлайн мурожаат қолдириш (clinic.proacademy.uz);

- Юридик клиникага шахсан ташриф буюриш.

Иш вақти: душанбадан-жума кунлари соат 09:00дан 18:00 гача.

Бизнинг манзил: Тошкент шаҳри, Юнусобод тумани, Рихсилий кўчаси, 9-уй. Ҳуқуқни муҳофаза қилиш академияси. Мўлжал: "Корзинка" супермаркети рўпараси. Мурожаат учун телефон: 71-202-04-96 (1952).