Ватан ҳимоячилари кунига бағишланган тадбир

Ўзбекистон Республикаси Қуролли Кучлари ташкил этилганлигининг 33 йиллиги ҳамда 14 январь – Ватан ҳимоячилари куни муносабати билан талабаларини ҳарбий-ватанпарварлик руҳида тарбиялаш, Ватанга бўлган муҳаббат туйғусини шакллантириш, мамлакатимизда ҳар хил соҳаларда, шу жумладан, мудофаа ва хавфсизлик йўналишларида ҳам олиб борилаётган кенг кўламли жараёнларга дахлдорлик туйғуларини ривожлантириш, уларни касбий тайёргарлиги бўйича билим ва кўникмаларини мустаҳкамлаш, келгуси хизмат фаолиятига тайёрлаш мақсадида Академияда “Янги Ўзбекистон армияси – мамлакат таянчи, ҳалқимиз фахри!” шиори остида тадбир ўтказилди.

Тадбирда кўп йиллар давомида Ўзбекистон Республикаси Қуролли Кучлари тизимида, шу билан бирга, Фавқулодда вазиятлар вазири, Мудофаа вазири лавозимларида хизмат ўтаган, мамлакатимиз мустақиллиги даврида мудофаа ва хавфсизлик соҳаларини ривожланишига улкан ҳисса қўшган ҳарбий фанлар бўйича фалсафа доктори, профессор, генерал-полковник Бердиев Қобул Раимович иштирок этдилар.

Учрашув давомида Қобул Раимович ушбу соҳаларда кечган жараёнларнинг бевосита иштирокчиси, юқори профессионал ва катта ҳаётий тажрибага эга инсон сифатида, мустақил Ўзбекистоннинг миллий армиясини ташкил этилиши тарихи, ҳозирги кунга қадар амалга оширилган ва муҳтарам Президентимиз – Қуролли Кучлар Олий Бош Қўмондони бошчилигида изчиллик билан амалга оширилаётган кўламли ислоҳотлар ҳақида сўзлаб бердилар.

Шу билан бирга, тадбир меҳмони хизмат фаолияти давомида босиб ўтган йўли ва таассуротлари билан ўртоқлашиб, ёшларимизга жонажон Ватанимизга, олийжаноб халқимизга ва Президентимизга садоқат билан хизмат қилиш борасида ўз насиҳатларини бердилар, уларнинг саволлари ва қизиқтирган масалалари юзасидан ўз фикр ва мулоҳазаларини билдирдилар.

Ўйлаймизки, бу каби учрашувлар талабаларимизни миллий армиямиздан ҳамда касбий фаолиятидан фахрланиш, уларда масъулият ва садоқат туйғуларини шакллантиришга хизмат қилади. Талабаларимиз келгусида шарафли ва муқаддас касб соҳиби бўлишларида муҳим ўрин тутади.