“Жиноят ишлари бўйича қонуний, асосли ва адолатли суд қарорлари қабул қилинишини таъминлашда прокурор ходимларнинг роли” мавзусидаги навбатдаги малака ошириш ўқув курси тугалланди

Бош прокуратура Академиясида 2018 йилнинг 10 ноябрида туман (шаҳар) прокурорлари ва уларга тенглаштирилган прокурорларнинг ёрдамчилари иштирокида “Жиноят ишлари бўйича қонуний, асосли ва адолатли суд қарорлари қабул қилинишини таъминлашда прокурор ходимларнинг роли” мавзусидаги навбатдаги малака ошириш ўқув курси тугалланди.

Ўқув машғулотлари давомида мамлакатимизда амалга оширилаётган суд-ҳуқуқ ислоҳотлари шароитида амалдаги қонунчиликка киритилаётган янгиликлар, жиноят судлов соҳасида конкрет тоифадаги ишларни кўрилишида ягона суд-прокурор амалиётини шакллантириш, соҳада хизмат қилаётган прокуратура ходимларининг вазифалари билан боғлиқ масалалар ёритилди.

Ўқув машғулотлари давомида тингловчилар шунингдек, биринчи инстанция судларида, апелляция, кассация ва назорат суд инстанцияларида жиноят ишларини кўрилишида иштирок этдилар.

Бундан ташқари, ўқув жараёни давомида Ўзбекистон Республикаси Бош прокуратураси ҳамда Ўзбекистон Республикаси Олий судининг тажрибали ходимлари иштирокида давра суҳбатлари ташкиллаштирилди.

Ўқув машғулотлари натижаси бўйича тингловчиларга тегишли намунадаги сертификатлар топширилди.