Профессор-ўқитувчиларнинг педагогик маҳоратини ошириш тадбирлари давом этмоқда

Ҳуқуқни муҳофаза қилиш академиясида профессор-ўқитувчиларнинг педагогик маҳоратини ошириш, таълим жараёнига инновацион технологиялар ва методикаларни жорий этиш мақсадида изчил ва тизимли олиб борилаётган ишлар доирасида 2025 йил 23 январь куни Тошкент Кимё халқаро университетининг “Бизнесни бошқариш” ва “Халқаро иқтисодий муносабатлар”  йўналишлари раҳбари М.А.Бердикулов томонидан “Ўқитишнинг кредит-модуль тизими ва педагогик кўникмалар” мавзусида навбатдаги семинар-тренинг ташкил этилди.

Семинар-тренингда олий таълим муассасаларида жорий этилган кредит-модуль тизимининг мазмун-моҳияти, унинг анъанавий таълим тизимидан фарқли жиҳатлари ва ўзига хос хусусиятлари, кредит-модуль тизимида профессор-ўқитувчиларга қўйиладиган талаблар, фан дастури (силлабус) ва ўқув контентини ишлаб чиқишда эътибор қаратилиши лозим бўлган масалалар, талабаларнинг мустақил таълимини ташкил этиш ва ўзлаштиришларини баҳолаш усуллари ҳақида кенг мазмунли маъруза қилинди.

Семинар-тренинг сўнгида мавзу юзасидан иштирокчиларни қизиқтирган саволларга батафсил жавоб берилди.