Коррупцияга қарши курашиш – жамият ва давлат хавфсизлигининг гарови

Бош прокуратура Академиясининг Коррупцияга қарши курашиш илмий-таълим маркази томонидан ёшларнинг ҳуқуқий онги ва ҳуқуқий маданиятини юксалтириш, жамиятда коррупцияга нисбатан муросасиз муносабатни шакллантириш юзасидан доимий равишда ҳуқуқий тадбирлар олиб борилмоқда.

Жумладан, 13 ноябрь куни Академия ходимлари Ўзбекистон Республикаси Олий Мажлисининг Инсон ҳуқуқлари бўйича Вакили(Омбудсман)нинг Тошкент вилоятидаги минтақавий вакили билан ҳамкорлигида Чирчиқ педагогика институтида “Коррупцияга қарши курашиш – жамият ва давлат хавфсизлигининг гарови” мавзусида амалий амалий семинар ташкил этилди.

Тадбир давомида институт профессор-ўқитувчилари ва талаба ёшларига коррупцияга қарши курашиш борасида давлат сиёсати, соҳада олиб борилаётган чора-тадбирлар ҳақидаги батафсил маълумотлар етказилди ҳамда уларга таълим соҳасидаги коррупция ва унинг салбий оқибатларини ўзида акс этган ижтимоий видеороликлар намойиш этилди.

Академия ходимлари томонидан бу каби тадбирлар йилнинг жорий чораги давомида Тошкент давлат юридик университети, Жаҳон иқтисодиёти ва дипломатия университети, Тошкентдаги Халқаро Вестминстер университетида ҳам ташкил этилди.