Бинар амалий машғулотлар ўтказилмоқда

Академияда мамлакатимиз куч тузилмалари ва ҳуқуқни муҳофаза қилувчи органларининг ҳарбий қисм ҳамда таълим муассасалари амалиётчи-ходимлари ва профессор-ўқитувчилари билан ҳамкорликда талабаларнинг касбий тайёргарлиги бўйича билим, кўникма ва малакаларини шакллантириш ва ривожлантиришга, уларни келгуси хизмат фаолиятига тайёрлашга алоҳида эътибор берилмоқда.

Хусусан, “Ҳарбий ва жисмоний тайёргарлик” модули доирасида “Фуқаро муҳофазаси” фанидан “Шахсий ҳимоя воситалари” мавзусида бакалавриатнинг 1-курс талабалари билан Ўзбекистон Республикаси Миллий гвардияси бўлинмаларининг ҳарбий хизматчилари иштирокида бинар амалий машғулотлари ўтказилди.

Бинар машғулотлар давомида куч тузилмалари ва ҳуқуқни муҳофаза қилувчи органларда мавжуд шахсий ҳимоя воситалари, уларнинг мақсади ва вазифалари, кўз, нафас йўллари ва терини ҳимоя қилувчи воситалардан фойдаланиш тартиби ҳамда шу каби бошқа масалалар амалий кўриб чиқилди ва ҳар бир талаба белгиланган меъёрий машқларни бажарди.