ЮНИСЕФнинг Ўзбекистондаги ваколатхонаси раҳбари билан учрашув

Академияда БМТнинг Болалар жамғармаси (ЮНИСЕФ) Ўзбекистондаги ваколатхонаси раҳбари Р.Кастижио бошчилигидаги делегация билан учрашув ўтказилди.

Учрашувда ҳамкорлик истиқболлари, шу жумладан вояга етмаганларнинг ҳуқуқларини ҳимоя қилиш соҳасида ходимлар салоҳиятни ошириш, қўшма тадқиқот ва лойиҳаларни амалга ошириш, ўқув семинарлари ва тренингларни ташкил қилиш масалалари муҳокама қилинди.

Шунингдек, Ўзбекистон Республикаси Президентининг 2025 йил 3 январдаги ПҚ-1-сон қарорида белгиланган вазифаларга алоҳида эътибор қаратилиб, вояга етмаганлар томонидан содир этилган ёки улар иштирокидаги ҳуқуқбузарликларнинг барвақт олдини олиш ва манзилли профилактика тизимини йўлга қўйишга қаратилган илмий методикаларни ишлаб чиқиш ва амалиётга жорий этиш муҳимлиги қайд этилди. Хусусан, ЮНИСЕФ билан ҳамкорликда ташкил этилган, вояга етмаганлар учун ижтимоий инновациялар ва ижтимоий тадбиркорлик кўникмаларини ривожлантиришга қаратилган «UPSHIFT» таълим дастурининг аҳамияти эътироф этилиб, келгусида республика ҳудудларида давом эттириш масаласи кўриб чиқилди.

ЮНИСЕФ ваколатхонаси раҳбари Р.Кастижио томонидан Академия фаолияти ва олиб борилаётган ишлар юқори баҳоланди.